2017年1月10日 星期二

量力而住



塘人在這幾個星期被老墨老弟去Train一個樣貌有點似塘人外父的老嘢在十八個工作日內學懂他這個職位的所有基本操作;

Training 時有錄影監控,塘人等人不能開手機,否則就被阿公“零容忍“即時Fire,所以塘人也不能夠Get住Pay來打文了。

新手上路,不但學員已經有點年紀,要學新事物而感到吃力之餘,剛巧他老婆大病入院,所以學員更加只有頂硬上收拾心情去完成Training;

人最計唔掂的那條數就是健康,塘人認識不少人就是數額上算盡一切,就是中年過後算不到自己會逐漸失去健康;

Training 期間,與老墨老弟“交換資訊“時知道他幫同部門的一位同事買入了一間賣價三十多萬美元,全新三千呎的獨立屋,由於這位同事的老婆臨盤在即,於是乎在拿到鎖匙之後他老婆就辭了工,於是乎全家的使費就落在這位同事的身上;

為了省錢,這位同事就賣掉了兩架車中的其中一架,一家三口過着一車生活,我們以他的人工來算一算,其實除稅和供樓之後用作生活也十分之勉強,所以就真的只能夠賣車了來節省開支了。

塘人自問自己當然非常之羡慕這位與自己一樣同工同酬的同事能夠住上全新的三千呎大屋,卻又不想付比起現在多兩倍多的供款就只純粹用作自住開銷,也不想為了不夠錢用而做出賣車這類節省開支的行為(在美國大部分城市無車等同跛腳鴨)。

正如塘人所料,賣車後的同事變成了“菠蘿雞“,首當其衝的當然是幫他買樓而賺了佣金的老墨老弟,經常想他“順便“車他回家。

貴有貴用,平有平用,塘人還是像誠哥所言,“量力而住“吧。


支持塘人Blog的公益事業, 最近捐款 : 塘人Blog今期善款已出, 謝各讀者支持!

塘人Blog Facebook 連結:  https://www.facebook.com/willchutah199/




14 則留言:

  1. 長知識...第一次聽"菠蘿雞"呢個名,要查先知點解

    回覆刪除
    回覆
    1. 哦, 我班親朋好友中大把呢D人, 所以呢個詞彙用好多, 哈哈:D

      刪除
  2. “經常想他“順便“車他回家”

    咁cheap成日想做hitchhiker😅

    回覆刪除
    回覆
    1. 想食人地來慳自己, 就變成Cheap了, 早晚人人都怕:)

      刪除
  3. 老墨靠害居多,你位同事老婆就要不事生產,應該慳家儲粮才是。但而家搞到生活費緊張,第時小朋友生病好閒,又是一筆筆突發開支。
    Teddy

    回覆刪除
    回覆
    1. 聽聞這位同事睇樓就只睇新起獨立屋, 佢鍾意又肯供, 做Agent不能多嘴, 否則個客就搵第二個啦;

      美國雖然唔興四大長老幫手湊仔, 但塘人Concern既係呢個同事老婆一收鎖匙就辭工, 由明明供得起的兩份收入變為一份, 有點呃按揭的意圖

      刪除
    2. 冇左四大長老,咁就一定係老婆/老公,是但一個辭職了,對財政都幾大壓力。美國打工仔都幾捱得,照計美國養個細路都唔少錢,響美國讀書又出名貴。
      Teddy

      刪除
    3. 係美國讀書,只有讀私校貴,公校讀到上大學都不算大貴,真係付不起的話可以借Loan,反正人人都係咁做。

      無四大長老,通常老美會請Baby sitter,讓兩公婆都可以外出打工,而且政府容許用作扣稅,當然也會有信不過外人湊,寧願是但一個辭工去湊,或者大家辛苦啲,一個返工,另一個返夜來湊。

      刪除
  4. 若有機會去作客, 影來睇下.
    港紙二百幾萬買到三千呎, 應該唔少港人夢想.

    回覆刪除
    回覆
    1. 係內陸都市,呢個價錢已經算係貴,不過近年此地人口澎漲,好多人都沉唔住氣去爭樓;

      家陣佢咁緊水唔知會唔會借啲意搞多幾次Baby Shower,到時可以借啲意去偷影XD

      刪除
  5. 一家三口住三千呎確實正爆, 這是美國哪裡?

    回覆刪除
  6. 其實只係三個人,使唔使住咁大呢? 燈油伙蠟皮費唔輕。 Bart

    回覆刪除
    回覆
    1. 兄台有所不知, 此乃由於城市對獨立屋的規劃所致;
      例如一塊只可起一間屋的R-1土地, 發展商必然用盡地表去起, 務求可以賣最高的價錢, 所以在外國買間獨立屋千幾二千呎係算唔大既屋了;

      問題還是在於他們少了份收入後, 再加生活費能否負擔而已

      刪除