2017年7月5日 星期三

食窮女




塘人細個時經常聽到老媽講, 佢仲係做緊女嗰時係橫頭磡, 經常會有啲係美加來的金山阿伯, 特意來徒置屋邨度搵些屋企好窮, 父母又唔太介意賣女的屋企, 娶些只得十幾廿歲的香港女仔返美加做老婆;

由於六十年代當年的徒置屋邨一間屋細到百幾呎逼十幾個人, 所以願意又好, 不願意又好, 屋企人收了阿伯禮金就要嫁過去, 還要被旨意過到去美加之後月月滙錢返香港娘家, 屋企兄弟姊妹還靠她來供書教學; 

以前塘人看到一個單親港媽的Blog, 她說自己在香港遇上壞港男, 搞大了個肚後男人犯事去了坐監, 於是乎港媽含辛茹苦去湊大個女;

期間結識過不少港男僵總覺得他們會趙完鬆又或者是人家老媽聽到原來有個女後就唔Like, 後來港媽上網識咗個離過婚的鬼佬, 剛好前夫出獄想見個女, 港媽與鬼佬兩人在港相見幾轉後就一拍即合結婚, 帶埋個女沽空香港移民外國, 家陣個女長大了也嫁鬼仔。

講了些例子都似乎在說如果一個女人的家底不太好, 似乎較為容易受外邊男人引誘, 容易早婚或未婚懷孕, 看蘋果新聞報導過美國也曾有研究小鎮的年輕女子, 她們學歷不會太好, 又無出路, 出現了容易未婚懷孕和貧窮等問題;

美國周街各處都有很多Payday Loan, 即香港之財仔, 有時塘人在外工作時很多時都注意到去呢D財仔的都有不少年輕女, 不過工作時間難以搭訕, 否則當了解下點解呢D女人有銀行低息唔借, 要借財仔咁高息;

之前又看過一個嫁有半個外國身份的台灣佬, 來自單親家庭的港媽Blog, 說該台灣佬特意到香港去"探"她, 基於深受感動而嫁給他, 雖然生貧窮些但依然生兒育女, 所以家中理財要節儉些等云云廢話;

塘人心想如果是人探她就要嫁, 那麼她老母應該收禮金收到手軟, 生兒育女可能是她老公那半個外國身份靠不住而已。

為何現代有不少經濟獨立的女性難以覓伴侶? 

雖則原因太多, 很客觀的因素似乎也是一個經濟獨立的女性失去了從資源上依賴男性的需求, 以致於看男人要從肉體或靈慾上, 於是乎現今的男女關係比較似若即若離;

反而男人從古至今, 除了某些例子是賭城有些男人叫雞竟然是想有人陪他傾談之外, 都是比較注重女人肉體外貌, 而且男人通常都不是小白臉或舞男, 除了一身銅汗臭味之外, 有幾多個靚仔? 幾多個大隻? 有幾多個有咩內涵?

所以男人有較為充裕物質條件的話, 家底差, 窮人家的女兒一般男人都很容易追到, 當然前提是不能以"幫"女人的心態來埋身, 否則淪落為幫其他男人養兒育女, 還要被女人當朋友, 實在是怨天都無用是也。

 (Source 蘋果日報慈善基金)

 
支持塘人Blog的公益事業, 最近捐款 : 塘人Blog今期善款已出, 謝各讀者支持!

2 則留言:

  1. hey, 千萬個同意,
    但點解有D 七頭, 雖已有財自之力, 但係都無女吼呢???? 我講我自己呢.

    回覆刪除
    回覆
    1. 70兄同我和好多男人一樣, 婚後自己隱藏戰鬥能力, 唔想招惹麻煩上身, 導致手上本錢資源被分攤是也。

      刪除