2017年9月13日 星期三

最便宜的追夢




塘人不是出身於甚麼很好家底的家庭, 面對貧窮就是塘人童年的寫照, 所以當時的工作志願一是揸巴士, 二係揸火車, 三係做警察, 當然塘人父母知道後三樣皆屌, 一是低賤, 二是無建設性, 三係好仔唔做兵。

童年時勁少出沙田, 去過一次玩具反斗城後見到好迷理的火車模型一見鍾情, 不過要用錢買的話肯定無可能, 就唯有用屋企副麻雀來砌車卡和月台用手推來當玩;

不過始終麻雀太大力推會散, 幾十年過去塘人依然想擁有一套行得走得的火車模型, 不過現在要塘人好花心機地去砌佈景又覺得好懶去做;

最近塘人讀火車牌筆試, 輕鐵部分考試要求必需第一次70%以上合格, 重型鐵路要求必需100%滿分, 普遍美國大眾運輸牌乃受美國聯邦政府監控, 純粹學員就必需通過背景和健康審查才能夠申請Training;

塘人只讀了一日就覺得滿分不成問題, 純粹睇識唔識美文而已, 困難的部分應該是在職Training, 首先要找到有間運輸公司有位肯請新學員, 然後預至少三個月學習操縱火車, 期間要預備除緊急事之外不能斷了Training, 否則又要再重新Apply。

美國有樣嘢好的就是只要自己證明有能否可以做到一份工作, 就算幾十歲都會俾機會你去做, 當然人太老身體的機能就肯定會退化, 所以塘人就趁壯年試下揸火車, 所謂完了童年心願, 反正人在外地已經無人可以阻到塘人做自己想做的事。



 (Source 蘋果日報慈善基金)


支持塘人Blog的公益事業, 最近捐款 : 塘人Blog今期善款已出, 謝各讀者支持!

2 則留言:

LinkWithin

Related Posts Plugin for WordPress, Blogger...